សាលាជាតិកសិកម្មព្រែកលៀប សូមស្វាគមន៍

សេចក្ដីផ្ដើម សាលាជាតិកសិកម្មព្រែកលៀប កពល ស្ថិតនៅក្នុងសង្កាត់ព្រែកលៀបខណ្ឌ ឬសី្សកែវរាជធានីភ្នំពេញ បានកសាង ក្នុងឆ្នាំ ១៩៥០ បន្ទាប់មកត្រូវបិទទ្វារក្នុង របបប្រល័យពូជសាសន៍ ហើយសាលាបាន ចាប់ដំណើរការជាផ្លូវការ ឡើងវិញនៅឆ្នាំ ១៩៨៤។ សាលាមានផ្ទៃដីសរុបចំនួន ៣២ ហិកតា ដែលរួមមានទីធ្លាសាលាចំនួន ៨ហិចតា និងកសិដ្ឋានផលិតកម្មនិង អនុវត្ដជាក់ស្ដែងចំនួន ២៤ហិចតា ។ លើសពីនេះទៀត សាលាក៏មានផ្ទៃដីកសិដ្ឋាន ចំនួន៣០០ហត នៅស្រុកថ្ពង កំពង់ស្ពឺ។ ចក្ខុវិស័យនិងបេសកកម្ម ប្រទេសកម្ពុជាគឺជាប្រទេសដែលមានសេដ្ឋកិច្ចពឹងផ្អែកលើវិស័យកសិកម្មស្ទើរតែទាំងស្រុង ។ ប្រជាជនប្រមាណ៨៥ភាគរយប្រកប របរកសិកម្មតាមបែបគ្រួសារ ។ សាលាមានចក្ខុវិស័យយល់ ឃើញថា ការកសាងធនធានមនុស្ស ដើម្បីឆ្លើយតបនឹងតំរូវការ ចាំបាច់លើ វិស័យកសិកម្ម និងរួមចំណែកក្នុងការ កាត់បន្ថយភាពក្រីក្រ លើក កំពស់ សេដ្ឋកិច្ច និង ជីវភាពរស់នៅរបស់ប្រជាកសិករនៅជនបទ ដែល ជំរុញអោយមានការអភិវឌ្ឍន៍ និងមាន ស្ថេរភាព សង្គម ។ តួនាទីរបស់សាលាគឺបង្ហាត់បង្រៀន និង បណ្តុះបណ្តាលនូវមុខវិជ្ជា ទាក់ទងនឹង វិស័យកសិកម្ម និងវិស័យពាក់ព័ន្ធ ។ គោលបំណង សាលាជាតិកសិកម្មព្រែកលៀបមានគោលបំណងចំបងៗដូចខាងក្រោមៈ - បណ្តុះបណ្តាលជំនាញទាក់ទងនឹងវិស័យកសិកម្ម - បំពាក់បំប៉នភ្នាក់ងារផ្សព្វផ្សាយកសិកម្មនិងកសិករពីបច្ចេកទេសកសិកម្មនិងអភិវឌ្ឍន៍ជនបទ - ផ្សព្វផ្សាយចំណេះដឹងនិងបច្ចេកទេសកសិកម្មសមស្របដល់កសិករ - ស្រាវជ្រាវនិងរៀបចំឯកសារបច្ចេកទេសផលិតកម្មកសិកម្ម - សហការជាមួយគ្រឺះស្ថានបណ្តុះបណ្តាលក្នុងនិងក្រៅប្រទេសអង្គការអន្តរជាតិ ដើម្បីកសាងសមត្ថភាព ធនធានមនុស្សរបស់ក.ព.ល ការអប់រំនិងបណ្តុះបណា្តល សាលាជាតិកសិកម្មព្រែកលៀបបណ្តុះបណ្តាលថ្នាក់វិញ្ញាប័ត្ររងរយៈពេល២ឆ្នាំ និង កំរិតបរិញ្ញាប័ត្រ វិទ្យាសាស្ត្រ រយៈពេល៤ឆ្នាំនូវមុខជំនាញវិទ្យាសាស្ត្រក្សត្រសាស្ត្រវិទ្យាសាស្ត្រនិងវេជ្ជសាស្ត្រសត្វគ្រប់គ្រង ធនធានជលផលនិង វារីវប្បកម្មគ្រប់គ្រងកសិកម្មរុក្ខកម្មផ្សព្វផ្សាយនិងអភិវឌ្ឍន៍ជនបទ កសិពាណិជ្ជកម្មសេដ្ឋកិច្ចសាកវប្បកម្ម និងបច្ចេក វិជ្ជាម្ហូបអាហារ ។ កន្លងមក ក.ព.ល បានបណ្តុះ បណ្តាលនិស្សិត ចំនួន ២៦០០នាក់ ត្រឹមឆ្មាំ២០០៣ ។ ក.ព.ល មានសាស្ត្រាចារ្យជំនាញប្រកបដោយគុណភាពនិងបទពិសោធន៍ចំនួន ៨០នាក់ និងកំពុងបណ្តុះបណ្តាល និស្សិតចំនួន ១០០០នាក់ ហើយចំនួននឹង កើនក្នុងពេលខាងមុខ។ ក.ព.ល បានអភិវឌ្ឍកម្មវិធីសិក្សាថ្មី ដែល ផ្តល់ដល់និស្សិតនូវការបណ្តុះបណ្តាលទាំងផ្នែកទ្រឹស្តីនិងការអនុវត្តន៍ ។ ឆ្នាំសិក្សាត្រូវបានចែកជា ២ឆមាសៈ ឆមាសទី១ចាប់ផ្តើមពីខែ វិច្ឆិកាដល់ខែមេសា និងឆមាសទី២ចាប់ផ្តើមពីខែមេសាដល់ខែកញ្ញា ។ឆមាសនីមួយៗមានរយៈពេល១៦សបា្តហ៍ ។ ការសិក្សាស្រាវជ្រាវ ការស្រាវជ្រាវកម្មសិក្សានិងទស្សនៈកិច្ចសិក្សាគឺជាការសំខាន់ដើម្បីផ្សារភ្ជាប់ទ្រឹស្តីទៅនឹងការអនុវត្តន៍ ជាក់ស្តែង ។ ក្រៅពីកិច្ចការ បង្រៀនសាស្ត្រាចារ្យនៃ ក.ព.ល ធ្វើការស្រាវជ្រាវ កម្មសិក្សានិងទស្សនៈកិច្ចសិក្សាទៅតាមកសិដ្ឋាន សាលានិងនៅក្រៅសាលាទៅលើប្រធានបទ ដែល ទាក់ទងនឹង មុខវិជ្ជាបង្រៀនដើម្បីបង្កើនបន្ថែមនូវចំណេះដឹងចង ក្រងនូវរាល់ទិន្នន័យនិង លទ្ធផល បានមកពី ការសិក្សាស្រាវជ្រាវសំរាប់ការបង្ហាត់បង្រៀនដល់និស្សិត។ មធ្យោបាយនិងសំភារៈ ដើម្បីលើកកំពស់គុណភាពការអប់រំនិងបណ្តុះបណ្តាលក.ព.លបានបំពាក់នូវឧបករណ៍ សំភារៈសំរាប់ជំនួយដល់ការបង្ហាត់បង្រៀន និងមធ្យោបាយផ្សេងៗដូចខាងក្រោមៈ -កសិដ្ឋានមានផ្ទៃដី ២៤ ហិកតា រួមមានកសិដ្ឋានចិញ្ចឹមនិងផលិតកូនត្រីកសិដ្ឋានចិញ្ចឹមមាន់ កសិដ្ឋានចិញ្ចឹមជ្រូក កសិដ្ឋានដំណាំបន្លែ កសិដ្ឋានដំណាំហូបផ្លែ កសិដ្ឋានដំណាំផ្សិត កសិដ្ឋានដំណាំលំអ និងកសិដ្ឋានពិសោធន៍ដំណាំស្រូវ-ពោត -បណ្ណាល័យ -បន្ទប់ពិសោធន៍ -បន្ទប់ភាសា -បន្ទប់កុំព្យូទ័រ -អាគារសិក្សា -អាគារការិយាល័យ -អន្តេវាសិកដ្ឋាន -ស្ថានីយបូមទឹក -ទីលានកីឡា -ឧបករណ៍និងម៉ាស៊ីនកសិកម្ម ពត៌មានបន្ថែម សាលាជាតិកសិកម្មព្រែកលៀប ផ្លូវជាតិ ៦អា ខ័ណ្ឌឫស្សីកែវ ប្រអប់សំបុត្រ ១៣១៩ ភ្នំពេញកម្ពុជា អាស័យដ្ឋានទំនាក់ទំនង ផ្លូវជាតិលេខ៦A ខ័ណ្ឌឬស្សីកែវ រាជធានី ភ្នំពេញ ទូរស័ព្ទ/ទូរសារ : 023 219 746, ទូរស័ព្ទ : 023 6905-154, 012-707 677 អ៊ីមែល : info@pnsa.edu.kh គេហទំព័រ : www.pnsa.edu.kh

ខិតបណ្ណ័សាលា ២០១១ បណ្តុះបណ្តាលខ្លី វគ្គបណ្តុះបណ្តាលបន្ត ឃ្លាំងចំណេះដឹងស្រូវ គំរោងចិញ្ចឹមត្រីក្នុងស្រែ